MAKE A RESERVATION

 feb 16th 2021

Helgarferð fyrir minna vana en ferðaþyrsta jeppagarpa – 26 febrúar 2021

 

Langar þig að koma í helgarferð inn á miðhálendi undir leiðsögn frá einhverjum kunnugum staðháttum?

 

Helgina 26 – 28 febrúar ætlum við á Hveravöllum að bjóða upp á leiðsögn inn Kjalveg á föstudegi. Leið verður valin eftir veðri og færð. Annaðhvort bara hefðbunda leið sem fylgir veginum að mestu en ef snjóalög leyfa þá bara beint af augum yfir Kjalhraunið. Á laugardegi verður gert eitthvað eftir veðri og færi, annaðhvort kíkt inn á jökul farið í Kerlingafjöll eða norður fyrir Hofsjökul í Ingólfsskála eða Laugafell ef hægt er. Sunnudagur fer svo í að koma sér heim aftur og þá vonandi suður Langjökul.

Við heimamenn á Hveravöllum munum fylgja hópnum inneftir á minnsta kosti 2 bílum og jafnvel fleirum og svo einnig á laugardeginum og sunnudeginum förum við með út að leika.

Hægt er að velja um gistingu annaðhvort í Gamla Skálanum í svefnpoka-skálagistingu eða þeim Nýja í herbergi með uppábúnu.

Boðið verður upp á súpu og brauð við komu inneftir á föstudag, morgunverðarhlaðborð laugardags og sunnudags morgun þar sem hægt verður að smyrja sér samloku til dagsins líka og svo lamba-ofnrétt eða hina frægu smalaböku Höllu á laugardagskvöldið með hina frægu skyrköku Eyvindar á eftir.

Þetta er auðvitað ferð fyrir breytta bíla sem eru sjálfbjarga í snjó. VHF stöð kostur!

Fjöldi miðast við fjöldatakmarana reglur!

Verðinu er stillt í hóf eins og hægt er:

Í svefnpokaplássi í Gamla Skála kr 23.000 á mann

Í herbergi í Nýja Skála mv 2 í herbergi kr 30.000 á mann

 

Nánari upplýsingar og bókanir:

info@hveravellir.is

Pétur s: 6601366